ఎందుకు వ్రాస్తున్నానో తెలీదు..
ఎవరిని మురిపిస్తున్నానో తెలీదు..
వ్రాస్తే ఊహల్లో నాతో ఉన్నావన్న సంతృప్తి..
ఏదో పంచుకున్నానన్న తృప్తి..
అసలేలా వుంటావు నువ్వు..
ఉషోదయాన తుశార బిందువుల్తో తడిసిన తామరలానా..
ప్రాతః కాళ పూజతర్వాత నిరాజనపు వెలుగులాగానా..
పొద్దుగూకే వేళదాక శ్రమించే శ్రామికుడికి శక్తినిచ్చే మొదటి సంకటి ముద్ద రుచిలాగానా..
అలసిన శరీరానికి పునర్జీవాన్నిచ్చే చెట్టు నీడఅంత చల్లగానా..
గోధూళి వేల పెనిమిటి ఇంకా రాలేదని ఎదురుచూసే కొత్త పెళ్లికూతురి జడలో కనకాంబరమంత రమ్యంగానా...
నెలలు నిండని పసిగుడ్డు బోసి నవ్వులానా..
చీకటేల చింతలన్ని తీర్చే అమ్మ పొతిళ్ళ్లంత దైర్యంగానా..